ستارخان
قولاق آسين يئنه سويله ييم ائللر نهايت بو وطن بير اوجا سسله دئديلر حققيني قويماريق باتا صف- صف دايانديلار مقابيلينده محبتله وطن باخدي سردارا سويله دي: گل اوغول، ياپيش اليمدن ائشيتجك بو سوزو غيرتلي سردار سويله دي: اي آنا، اي بويوك وطن! قوچاق ايگيت لر گيردي ميدانا وطنين سويمه لي، ايش بيلن اوغلو غاليب گلمه يه جك، بيلين خيره، شر
بو شانلي اولكه نين سعادتيندن
سيزه كاهن كيمي وئريم خوش خبر
رشيد اوغوللارين رشادتيندن
چوخ بلالر چكيب ظاليم اليندن
ظولمون پنجه سينده اولوب اويونجاق
سيزيلداميش يازيق نااميد وطن
چاغيردي دادينا نوجوانلاري
اونون دوره سينه بويوك هوسله
توپلاندي تبريزين قهرمانلاري
دوشدولر ايگيت لر دويوش مشقينه
قيلينجي باغلاييب، مينديلر آتا
آزادليق عشقينه، وطن عشقينه
نااميد آنانين، مرد اوغوللاري
انتقام كلمه سي ازبر ديلينده
تاپيلدي ميللتين بويوك سرداري
گوردي شجاعتلي پهلوان دير او
بيلدي هئچ بير زمان او دوشمز دارا
چونكي جسارتلي قهرماندير او
گوزومون ياشيني سيل اته گين له
چاليش ظولمكاردان خلاص اولوم من
سئوينسين اوره گيم، شاد اوره گين له
باشيندا توكلري دوردو بيز كيمي
دونيا گوزلرينده اولدو تيره- تار
جوشدو دالغالانميش بير دنيز كيمي
اليمده اسلحه، ديليمده اسمين
گلديم امدادينا شجاعتله من
گوزلريمده غضب، اوره گيمده كين
مستبد سلطانا ائتديلر قيام
مشروطه آلديلار بوتون ايرانا
خائينه عشرتي قيلديلار حرام
((ستارخان)) دئييلن ناموسلو سردار
ظاليمين اوزونه باغلاييب يولو
سلطانين قلبيني ائتدي داغدار
او تاريخدن كئچير ايندي قيرخ بئش ايل
بيزيم خلقيميزين ايگيت ليكلري
گونش تك بولوتدا گيزله نن دئييل
بيزه بيرليگيميز وئره جك نجات
وار اولسون حقيقت، وار اولسون بشر
وار اولسون آزادليق، وار اولسون حيات